Gëzimi i “1 Qershori”-t ka mbërritur më herët në burgun 325 të grave në Tiranë. Tri personazhe të njohur bashkë me studentët e universitetit “Marin Barleti” organizuan një festë për gratë që vuajnë dënimin dhe, fëmijët e tyre. Motrat Irma e Eranda Libohova bashkë me opinionistin e profesorin Erion Kristo, ishin mesditën e sotme me to. “Ne e festuam sot në “IEVP Ali Demi Tiranë” nën shoqërinë e Erion Kristos, Eranda dhe Irma Libohovës festen e “1 Qershorit”. Lotë gëzimi kishte në sytë e grave e fëmijëve. Puna jonë është e vështirë por ka brenda saj copëza lumturie si kjo e sotmja. I falenderoj nga zemra studentët që sollën dhuratë bashkë me profesorin e tyre. Faleminderit “Caritas Albania” për festën e bukur që krijuan për fëmijët e nënat e tyre”, shkruan Zoje Jakaj, drejtoresha e burgut 325. Me këtë rast edhe ne po iu urojmë të gjithëve që sot. Gëzuar bashkë me pafajësinë e shkëlqimin në sytë e fëmijëve!/ revistawho.com
