Aldo Bumçi dhe bashkëshortja e tij, Ilda Zhulali, zgjodhën Jugun e Shqipërisë për të bërë plazh fundjavën që kaloi. Pikërisht në Dhërmi, aty ku duket sikur ishte një plazh ekskluziv i politikanëve të majtë, këtë herë paparaci i “Panorama” fotografoi Bumçin dhe të shoqen. Ajo që ra menjëherë në sy ishte kujdesi që kishin treguar për fizikun që të dy. Bumçi, i cili kishte filluar të vinte bark vitet e fundit, tashmë e kishte zhdukur, nd- ërkohë që e shoqja dukej që ishte marrë seriozisht me linjat e saj, duke punuar fort në palestër. Një trup i skulpturuar që mund t’ia ketë zili edhe një vajzë e re, po të kemi parasysh se Ilda është nënë. Çifti ka pasur një rrugëtim të njëjtë edhe në karrierë për shumë vite, sepse Aldo ka punuar për pak kohë si ministër i Jashtëm në qeverinë e djathtë të Berishës, kurse Ilda ka punuar që nga viti 2001 në Ministrinë e Jashtme si diplomate. Në vitin 2013, kur erdhën të majtët në pushtet, Ilda u dorëhoq me një letër, të cilën e publikoi edhe në rrjetet sociale. Ne u bëjmë komplimentet tona çiftit për linjat dhe u urojmë suksese në karrierat e tyre dhe në familje!
