Kënga e saj më e re do të publikohet më 25 gusht, por surprizat nga Era Istrefi nuk kanë të ndalur. Ajo ka performuar në festivalin “Untold” që zhvillohet në Rumani. Ky event zhvillohet në Cluj-Napoca dhe ka fituar çmimin si “Festivali i Madh më i mirë” në European Festivals Awards. Era ka qenë një nga fatlumet për të performuar në skenën muzikore që mbledh yje nga e gjithë bota. E veshur në mënyrë tejet atraktive, ajo ka arritur të marrë vëmendjen e plotë të publikut si dhe duartrokitje të shumta. Kjo vajzë është e lindur për skenën muzikore dhe këtë e dëshmojnë më së miri sukseset e saj të njëpasnjëshme.
