Pas shtatë vitesh mungesë në festivalin “Kënga Magjike”, Soni Malaj iu rikthye garës muzikore me këngën “Për vete më mbaj”, me të cilën u vlerësua me çmimin “Best performance”. Edhe pse një ditë para finales u komentua në rrjetet sociale si artistja që u shpreh se ishte bojkotuar nga kolegët, sërish u ndie e lumtur për çmimin që fitoi, pasi për këtë performancë ajo kishte punuar për muaj të tërë, duke alternuar ushtrimet e zërit me të fizikut. Dhe jo më kot fitoi këtë kupë, pasi dukej shumë në formë, ndërsa shoqërohej në çdo moment nga i fejuari i saj prej shtatë muajsh, biznesmeni nga Tirana me emrin Klevi, shkruan sot “Panorama”. Përveç faktit që e shoqëronte në çdo hap, ai ishte aty për t’i dhënë kurajo e mbështetje. Fotografi i “Panorama” e ka kapur çiftin në një moment të nxehtë në paskuintat e festivalit, teksa ishin shumë pranë njëri-tjetrit. Derisa në një moment të caktuar ata nuk kanë ngurruar të shkëmbejnë puthje pasionante, direkt pas performanës së Sonit në gjysmëfinale. Natyrisht që në këtë mënyrë partneri i saj Klevi i ka dhënë edhe një herë pëlqimin, pasi e ka ndjekur jo nga salla por nga paskuintat, si njeriu më i afërt i saj.
