Teksa prej ditësh përflitet se reperi nga Kosova Capital T dhe bukuroshja nga Tirana Jonida Vokshi janë në një lidhje, pozat e tyre më të fundit duket se i konfirmojnë këto zëra. Sipas një analize të gazetës “Express” dy të rinjtë aktualisht ndodhen në Londër dhe kanë bërë foto në të njëjtin qytet, vetëm se jo në çift. Siç duket fakti që ndodhen njëherësh në të njëjtin vend shton edhe më shumë dyshimet për një romancë midis të dyve. E ndonëse të dy e dinë se si po përfliten këto ditë, sërish kjo nuk i ka penguar të vazhdojnë secili me poza, ndaj duket sikur kanë pranuar se janë bashkë. Sakaq thuhet se “shkesi” i kësaj marrëdhënieje ka qenë këngëtarja Elvana Gjata, bashkëpunëtore e reperit dhe shoqe e ngushtë e moderatores e aktores Vokshi.
