Pas një sezoni televiziv impenjativ, duket se Gentian Zenelaj ka zgjedhur t’i nisë pushimet verore së bashku me familjen e tij ditën e sotme. Moderatori dhe aktori i njohur ka publikuar disa foto të djalit dhe vajzës së bashku me partneren në aeroport, ku ka zbuluar lumturinë e tyre për këtë udhëtim.
“Fytyra pushimesh”, ka shkruar Zenelaj krah postimit të fundit të bërë në ‘Instagram’, ku nuk kanë munguar komentet e shumta nga ndjekësit për fëmijët e aktorit.
Kujtojmë se Gentiani publikon rrallëherë momente nga jeta familjare, duke e mbajtur gjithmonë vëmendjen edhe në rrjete sociale tek profesioni dhe puna e tij. Prej disa sezonesh tashmë ai drejton programin ‘Stop’ së bashku me Saimir Kodrën, ku trajtojnë problematika dhe tema të aktualitetit./revistawho.com
