Gal Gadot u intervistua nga ‘Vanity Fair’ dhe zbuloi një detaj shumë special për rolin që i ka shenjuar karrierën prej vitesh, atë të Wonder Woman. Frymëzimi i saj për karakterin e personazhit fantastik ka ardhur nga Princeshë Diana. Nëse nuk e keni parë filmin Wonder Woman, duhet të dini se në qendër është një grua me fuqi të jashtëzakonshme që ndihmon njerëzit dhe beson tek fuqia e dashurisë dhe e të mirës. Gal Gadot ka rrëfyer se frymëzimin për t’i dhënë një ngjyrim kaq të butë dhe njerëzor personazhit të saj, e ka gjetur pikërisht tek Diana, pasi asokohe ka parë një dokumentar për jetën e së ndjerës dhe ndikimin që pati tek ata që e donin dhe e përkrahën.
“Kur pashë atë dokumentar, ndjeva një zile në kokën time. Menjëherë më erdhi ideja që Wonder Woman duhet të jetë Princeshë Diana”, e ka mbyllur fjalën aktorja. Ama ende nuk e ka dhënë konfirmimin nëse do jetë përsëri protagoniste në serinë e tretë të filmit./revistawho.com
