I ftuar në emisionin e pasdites në ‘Top Channel’ sot ka qenë Rezar Xhaxhiu, moderatori i njohur dhe ndër më të vjetrit gazetar shqiptarë. Ai ka qenë i ftuar krah gruas së tij dhe kanë rrëfyer së bashku historinë e dashurisë 30-vjeçare dhe disa detaje mbi jetën e tyre.
“Ka pasur një periudhë të vështirë në martesën tonë gjatë periudhës 1993-1994. Kjo vinte për shkak të vonesave të mia në punë dhe ne shiheshim shumë rrallë. Në këtë mënyrë komunikimi ynë nisi të bëhej vetëm me letra. Pra u krijua një situatë e vështirë. Prezenca është e rëndësishme, pavarësisht se secili nga partnerët kanë nevojë për hapësirat e tyre”, – është shprehur Rezari.
Ndërsa Laura,bashkëshortja e tij ka treguar: “Kemi 30 vite martesë por ende nuk kemi hequr dorë nga ngrënia e drekës së bashku çdo ditë. Njohja jona ka ardhur nëpërmjet miqve të përbashkët. Pasi qëndruam rreth tre vite si të fejuar më pas vendosëm të martoheshim. Isha studente në vit të parë në fakultet kur u fejova dhe martova njëkohësisht. Kisha dilema por mosha që kisha më bënte që çdo gjë të më dukej e bukur. Mendoja se nëse pendohesha, lehtësisht mund të kthehesha pas”./revistawho.com
