Gazetarja e CNN-it, Sara Sidner ka thënë “live” në televizion se është diagnostikuar me kancer në gji. Kanceri është në gradën e tretë dhe Sara po ndjek kimiotreapitë.
“Nuk kam qenë sëmurë për asnjë ditë të jetës sime. Nuk pi cigare, rrallë pi alkool. Kanceri i gjirit nuk është trashëgimi në familjen time dhe sërish, ja ku jam me kancer gjiri në gradën e tretë. Është kaq e vështirë ta thuash me zë të lartë”, tha ajo. Ajo tha gjithashtu se po trajtohet, duke inkurajuar të gjitha gratë të bëjnë mamografinë.
