Një ndeshje shumë e diskutuar ditët e fundit ishte derbi kryeqytetas Tirana-Partizani, gjatë dhe pas së cilës u regjistruan disa incidente. Njëri prej tyre ka çuar edhe në pezullimin e lojtarit të Tiranës Genti Muça i cili nuk mund të dalë në fushën e blertë për një vit. Genti është “dënuar” për thirrje raciste nga komisioni i disiplinës. Zv. Kapiteni Muça në fund të derbit mori megafonin dhe thirri “mbti komunistët, myte Beogradin”, referuar ndoshta ngjyrës së kuqe të skuadrës kundërshtare. Pas këtij vendimi, tifozja e zjarrtë e skuadrës së Tiranës, gazetarja e njohur Anila Basha ka ironizuar në Instagram. Anila ka kujtuar se Tirana është skuadra më pak raciste në futbollin shqiptar pasi si Zëvendëstrajner ka zgjedhur të ketë Ivan Gvozdanovic, një sportist me kombësi serbe. Me diçiturën e saj “myte ivanin, myte beogradin” ajo ka shkaktuar shumë të qeshura tek komentuesit.
