Eni Koçi dhe Genc Prelvukaj kanë vetëm pak muaj që e kanë bërë lidhjen e tyre publike dhe gjatë kësaj kohe nuk kanë ngurruar të shprehin në çdo rast ndjenjat ndaj njëri-tjetrit. Megjithatë sot është një ditë e shënuar dhe Genci i ka dedikuar fjalët më të bukura të dashurisë partneres së tij. Sot Eni feston 23-vjetorin e lindjes dhe partneri i saj i ka shprehur gjithë dashurinë me pak fjalë, por që kanë shumë domethënie. Prelvukaj ka publikuar në “Instastory” një foto të Enit dhe përkrah saj ka shkruar: “Urime ditëlindjen Bella. E bukur në shpirt, që i jep ngjyrë ditëve të mia. Edhe 100 të tjera të lumtura”.
Përpos shumë urimeve ky duhet të ketë qenë më i veçanti për Enin, duke qenë se vetëm atë ka ripostuar në llogarinë e saj në ‘Instagram’. Çifti i njohur përfliteshin prej shumë kohësh për një histori dashurie, por në fund të dhjetorit të 2018-tës ata vendosën ta konfirmonin dhe të shfaqeshin përkrah njëri-tjetrit në festën e fundvitit të organizuar nga Labinot Gashi. /revistawho.com
