Nga Rudina Laka\ Gjithçka nisi 23 vite më parë. Mandi vendosi të marrë një ambient shumë të vogël të cilin e lyu vetë, për të startuar realizimin e ëndrrës së shumë vajzave shqiptare, të duken dhe të ndihen princesha në ditën më të rëndësishme të jetës së tyre. Më skeptikët që e rrethonin dhe me ndihmën e nënës së tij, Armand Peza filloi të marrë fustanet e para të nusërisë dhe të organizojë eventet e para.
Një prej skeptikëve që përmenda më sipër ishte edhe e dashura e tij në atë kohë dhe bashkëshortja e tij sot, Marçela. Sot ajo është kuratorja kryesore e çdo detaji në atë që ajo e quajti “fëmija i madh i adoptuar”. Sukses pas suksesi, “Geraldina Sposa” arriti të ishte ajo që Mandi kishte dashur gjithmonë, vendi ku çdo vajzë do të mund të realizonte ëndrrën e saj.
Debate, këmbëngulja për të bërë të mundur të pamundurën, lodhje, përkushtim maksimal në çdo event, shumë punë dhe të gjitha me një qëllim final, kthimin e “Geraldina Sposa” në një brand të fuqishëm.
Vit pas viti tradita e sfilatave ka ardhur në forma të ndryshme, por këtë herë çdo gjë ishte speciale. Të ftuara ishin rreth 300 nuse të cilave ju dha mundësia të shikonin modelet që sfilonin me fustanet që ato do të veshin në ditën e tyre të dasmës. Ëndrra sapo ka filluar, tradita do të vazhdojë. Vitin tjetër mund të jesh ti nusja që do të bëhet pjesë e kësaj ëndrre, ku i dihet./revistawho.com
