Gazetarja Gerta Gixhari, motra e banores së Big Brother Olta Gixharit, ka komentuar lidhjen e Luizit me Kiarën e ftuar në “Wake Up”. Gerta u shpreh se lidhja e tyre mund të mos funksionojë pas mbarimit të Big Brother pasi Kiara e ka mendjen të bëjë karrierë ndërsa Luizi kërkon të krijojë familje.
“Lidhja Luiz-Kiara më duket nga ato lidhje që mund të rezistojë, mund të ecë, se Luizi është në një moshë që mund të krijojë familje. Por, Kiara është nga ato vajza, për të cilën mund të jetë pak shpejt. Ka karrierën përpara. Nëse mund të çalojë pak kjo lidhje është nga ana e Kiarës. Luizi është më i përkushtuar ndaj saj dhe nga mënyra si kujdeset edhe si i shpreh ndjenjat. E ka mbledhur mendjen. Ka ardhur koha që të krijojë një familje dhe Kiara i plotëson kushtet për ta patur nënën e fëmijëve, siç thotë ai. Kiara më duket ambicioze për karrierën dhe një fëmijë me Luizin mund ta pengonte. Unë e kam frikë marrëdhënien e tyre jashtë, edhe për shkak të kontrollit të Luizit”, tha Gerta.
