Geta Heta ka qenë gazetarja e parë në radion më të dëgjuar në Shqipërinë e pas vitit ’97. Edhe pse ajo ishte një vajzë shumë e re në moshë asaj ju besua transmetimi i parë zyrtar në ‘Top Albania Radio’. “Një këngë për ty” ishte emisioni i parë që e solli Gertën shumë më afër me publikun e sidomos me të rinjtë.
Por pas shumë vitesh punë në këtë radio Gerta hoqi dorë dhe vendosi të bëhej pjesë e një televizoni përsëri të dedikuar për të rinj, por këtë herë si menxhere programi. Por nga dashuria e parë nuk mund të heqësh dorë aq lehtë. Me anë të një postimi në ‘Facebook’ Gerta ka njoftuar se do të rikthehet në radio si prezantuese. “Rikthehem në radio në mikrofonin e 98.5 Kiss FM, çdo ditë nga ora 16:00-18:00 me “Kiss UPDATE”. Ndiqeni e më jepni kritikat e rastit” ka shkruar Gerta. Me siguri ky do të jetë një rikthim i bujshëm i saj, duke qenë se për gjithë dashamirësit e radios zëri i Gerta Hetës është një nga më të dashurit dhe më familjarët. /revistawho.com
