Më shumë se 5 vite më parë, Gigi Hadid ishte e njohur si modele, por më shumë si vajza e yllit televiziv, Yolanda Hadid. Ndërsa sot ajo është një supermodele shumë e suksesshme. Së fundmi Gigi ka realizuar një kopertinë tjetër për ‘Elle’ dhe është shfaqur në formë perfekte, por një nga pikat më të rëndësishme të intervistës ka qenë fjala e Hadid për suksesin e saj.
“E kuptoj që vij nga një familje e privilegjuar, por fakti që mami im ka qenë në një show televiziv i bën njerëzit të mendojnë se kam qenë e famshme që në fëmijëri. Në fakt nuk është e vërtetë. Ime më ka qenë një modele. Ajo u zhvendos në SHBA kur ishte 16 vjeç për t’i dërguar para familjes së saj në Hollandë, ndërsa babai im ishte refugjat dhe bënte shumë punë. Tani unë punoj që të nderoj prindërit e mi dhe gjithë mundimin e tyre për të na rritur”,-u shpreh ajo.
Siç duket, Gigit i ka ardhur në majë të hundës për gjithë këto fjalë që lidhen me famën e saj. Ajo pranon se ka punuar fort që të arrijë gjithçka në jetën e saj dhe kjo nuk lidhet me famën që ka pasur e ëma./ revistawho.com
