Të gjithë e dimë se ora e brendshme e trupit tonë, na dikton se çfarë duhet të konsumojmë, kur duhet të flemë dhe të zgjohemi. Por e a e dinit se ora e brendshme e trupit, dikton edhe orarin kur ne djegim më shumë kalori gjatë ditës? Një studim i fundit i publikuar në ‘Current Biology’ ka zbuluar se ne djegim 10% më shumë kalori vonë në mesditë dhe herët në mbrëmje, madje edhe kur jemi duke pushuar.
7 pjesëmarrës u studiuan për një muaj në një laborator që nuk kishte orë dhe dritare. Ata nuk kishin akses në celular ose internet dhe thjesht u dha një orar kur duhej të konsumonin ushqim, të flinin dhe të zgjoheshin. Sipas rezultateve, njerëzit e përfshirë në studim digjnin minimumin e kalorive gjatë kohës që pushonin natën vonë dhe kishin dhe ulje të temperaturës së trupit në të njëjtën kohë. /revistawho.com
Gjatë këtij orari të ditës ju digjni më shumë kalori
