Gjiko është ndër këngëtarët më të kërkuar të momentit dhe i gjithë sezoni i verës është i mbushur me koncerte në qytete të ndryshme për të. Megjithatë angazhimet në punë nuk e kanë penguar që ai t’i kushtojë rëndësi të veçantë kujdesit për djalin e tij. Më herët në intervista televizive Gjiko ka treguar se mundohet që gjithë kohën e lirë t’ja dedikojë vogëlushit dhe këtë gjë e ka vërtetuar përmes një videoje. Reperi ka publikuar në profilin e tij në ‘Instagram’ një video, në të cilën shihet duke vendosur djalin e tij në gjumë. Gjiko shfaqet duke tundur Zërin në një dhomë me disa drita të vogla qetësuese.
https://www.youtube.com/watch?v=xskbL_QPGmc&feature=youtu.be
Siç duket reperi dhe partnerja e tij, Elita Rudi, kanë gjetur këtë lloj metode me dritat shumëngjyrëshe për të vendosur vogëlushin e tyre në gjumë. Kjo video tregon qartë se Gjiko është një baba shumë i kujdesshëm dhe se i gjendet pranë të voglit të tij pothuajse në çdo moment. Madje mjaftojnë të tilla imazhe për të treguar se jeta e reperit dhe partneres së tij ka ndryshuar plotësisht që nga muaji shkurt kur djali i tyre erdhi në jetë. /revistawho.com
