Mbrëmë është mbajtur ndarja e çmimeve muzikore MTV Europe Music Awards 2021.
Artisti shqiptar Gjon Muharremaj, i cili e ka ndërtuar karrierën e tij artistike në Zvicër, i njohur për publikun si Gjon’s Tears, ka fituar çmimin “Best Swiss Act” (Performuesi më i mirë zviceran).
Pas fitores ai është shprehur i lumtur përmes një postimi të bërë në “Instagram”.
“Performuesi më i mirë zviceran! Ne ja dolëm, faleminderit të gjithë njerëzve të mi dhe fansave që votuan për mua. Pa ju, do të kisha qëndruar në shtëpi kështu që faleminderit për të gjitha. Faleminderit njerëzve që më mbështesin çdo ditë: Prindërve të mi, vëllait, gjyshit dhe grupit tim. Më keni bërë shumë të lumtur sot”, ka shkruar ndër tjera Gjon.
Ai u nominua bashkë me Loredanën në këtë kategori./revistawho.com
