Greis Petroviç është bërë nënë e një djali. Lajmin e bukur Greis e ka dhënë sot me rastin e Krishtlindjeve, por vogëlushi ka ardhur në jetë në datë 2 Dhjetor. Modelja ka publikuar një foto ku shfaqet dora e saj, e vogëlushit Andrea, dora e së bijës dhe e bashkëshortit.
“Dhurata jonë e Krishtlindjeve”-shkruan Greis.
“Mirëseerdhe bebi Andea. Krishtlindje të bardha e plot shëndet për të gjithë ju”-uron modelja duke falenderuar për urimet e përzemërta.
Në një intervistë për Revista Who, Greis tregoi se shtatzënia i erdhi surprizë dhe e gjithë familja u gëzua kur mësoi se bebi ishte djalë.
“Kjo ishte një shtatzëni surprizë në kohë pandemie. Sapo ishim izoluar kur mora vesh lajmin që do të bëhesha sërish nënë. Më pushtuan shumëllojshmëri ndenjash: gëzim, frikë se ndodheshim në një situatë të pazakontë, lumturi, por edhe pak keqardhje për Emelin, se më dukej shumë e vogël për t’ju zhvendosur vëmendja. Ne jemi tri motra dhe kemi vetëm mbesa dhe mezi po pritej një djalë. Po ashtu edhe nga famija e Ilirit, kishte kohë që nuk vinin më djem e mezi po e prisnin e mbi të gjitha për znj.Tefta që e dëshironte aq shumë një nip”.
