Greta Koçi është një ndër këngëtaret më aktive të skenës shqiptare. Ajo lançon herë pas herë këngë, të cilat kthehen menjëherë në hite. Mirëpo kohët e fundit, vëmendja e fansave ka kaluar pak më shumë tek motra e saj, Eni. Pasi vetëm pak ditë më parë Eni bashkë me të dashurin e saj, reperin Genc Prelvukaj bënë publike lidhjen e tyre duke treguar se shumë shpejt do të martohen.
Greta e ftuar në emisionin “Mos i fol shoferit”, ka treguar ndër të tjera marrëdhënien e familjes me dhëndrin e parë në shtëpi, sidomos sjelljen e nënës së tyre. ‘’Me Gencin kemi raporte shumë të mira, po e fus dhe unë veten në këtë raport sepse jam vajza e madhe e shtëpisë. Na respekton shumë, e respektojmë shumë. Dua të them që kur vjen Genci, mamaja ime i hyn çdo gjëje me themel, gatuan gjërat më të mira. Dhe unë i them, moj ti, kur të të vijë dhëndri i madh, do bësh kështu. Do bëj thotë, do bëj dhe më shumë”, rrëfeu Koçi./revistawho.com
