Suada Sherifin e njohim si ish-Miss Shqipërinë dhe një nga vajzat më të bukura të ekranit. Pavarësisht se është larguar nga televizioni, ajo vazhdon të jetë e komentuar dhe një figurë publike shumë e dashur për të gjithë. Disa orë më parë, Suada na ka kthyer pas në kohë duke publikuar një foto nga pjesëmarrja në ‘Miss World 2005’ si përfaqësues e Shqipërisë. Teksa komentonte ‘look-un’ e atyre viteve, ajo zbuloi edhe disa detaje të panjohura për atë performancë. “Këtu jam për të ardhur keq! Në skenën e ‘Miss World 2005’. Grimin dhe flokët i kisha bërë vetë. Pavarësisht se ato që kishin një ekip të tërë me vete shkëlqenin, unë kurrë s’do ta harroj sallën që më duartrokiti fort edhe me këtë fustan që ça të them! Kaq kishim mundësi”,-shkruan Suada në foton me fustan të bardhë. Më tej ajo shkruan me shaka se duhet të kishte marrë çmimin “Miss Vetëbesimi”.
Me gjithë peripecitë që ka kaluar, Suada ka qenë një përfaqësuese e denjë e vendit tonë dhe duket mjaft e hijshme edhe para 13 vitesh./revistawho.com
