Aktorja Surbi Çandna është bërë shumë e njohur në Shqipëri nga roli i saj si “Anika” në “Bixhoz me dashurinë”, serial i cili i dha famën në shumë shtete të botës ku po transmetohet. 28-vjeçarja nuk ka shumë eksperiencë në kinematografi por është vlerësuar mirë për rolin e saj “Anika”. Në një intervistë të fundit Surbi është pyetur më shumë mbi rolin e saj dhe si e shikojnë të tjerët atë si aktore. Ajo ka treguar se mamaja e saj nuk e mendonte kurrë se Surbi do bëhej aktore dhe do arrinte kaq lart, madje e shikonte shumë poshtë të bijën. “Mamaja habitet kur më sheh. Më pyet shpeshherë ku e mora talentin për aktore. Të them të drejtën, ajo gjithmonë më mendonte shumë poshtë. Kur shkoja në audicione më thoshte që kjo nuk është për mua. Tani që më sheh si Anika mrekullohet. Shumë njerëz më thonë se e shohin serialin vetëm prej rolit tim. Jam krenare. Punoj shumë”, është shprehur aktorja./revistawho.com
