Çifti i njohur, Justin dhe Hailey Bieber, janë parë së fundmi duke dalë nga studioja e tyre e preferuar e kërcimit. Dyshja ka zgjedhur studion në ‘hollywood-in’ perëndimor për të kaluar kohë së bashku. Këtë gjë e ka zbuluar vetë modelja me anë të një publikimi në “Instastory”, në të cilën lavdëron partnerin e saj për aftësitë e tij në kërcim. “Hey, burri im kërcen kaq bukur. E di dhe vetë që po sillem si një grua mburravece”, ka shkruajtur ajo bashkangjitur fotos. Që prej ceremonisë së martesës së tyre, Justin dhe Hailey kanë qenë pothuajse të pandarë gjatë gjithë kohës, e duket se muaji i mjaltit për ta nuk ka mbaruar ende.
