“Opinionistët e rinj të “Big Brother Vip”, janë dy figura shumë të njohura, të spikatura dhe të dashura për publikun”, ka thënë Arbana Osmani gjatë intervistës në Top Channel, ku ka zbuluar emrat e tyre.
Ajo ka shtuatr se asnjëri prej tyre nuk ka qenë kurrë opinionist në një reality show.
“Do kem kënaqësinë që ta ndaj skenën, formatin, rrugëtimin me Arbër Hajdarin dhe Balina Bodinakun. Të dy të shkëlqyer në fushat respektive që jam e sigurt që do t’i japin më shumë vlerë këtij formati”, -u shpreh Arbana.
Më tej prezantuesja e Big Borther Vip ka treguar se ideja ishte që të ishte një grua dhe një burrë, në mënyrëqë të balanconin njëri-tjetrin dhe të kishim sa më shumë opinione të mira.
“Janë shumë karaktere të ndryshme dhe janë në profile të ndryshme. Kështu që shpresoj të gjenden mirë dhe nuk janë afër mendjes. Nuk janë këta opinonistët që priten gjithmonë të jenë. Nuk është Arjan Konomi’, ka treguar duke qeshur Arbana.
Arbër Hajdari është themeluesi i fondacionit bamirës “Fundjavë Ndryshe”, ndërsa Balina Bodinaku njihet si gazetare.
“Big Brother Vip” nis sot në mbrëmje ku do të zbulojmë dhe Vip-at që do të bëhen pjesë e shtëpisë më të vëzhguar në vend, ndërsa çmimi për fituesin mbetet i njëjtë: 100.000 euro./revistawho.com
