Në datën 7 mars Princ Harry dhe Meghan Markle do shfaqen për herë të parë në një intervistë televizive, pas shkëputjes nga familja mbretërore. Këtë nder ia kanë dhënë Oprah Winfrey që është edhe mikeshë e çiftit.
Kjo intervistë konsiderohet si shumë intime për çiftin, pasi për herë të parë do tregojnë gjithçka, nga ardhja në jetë e fëmijës së dytë e deri tek largimi nga familja mbretërore. Lajmi u zbulua nga ‘Page Six’ dhe ka alarmuar të gjithë familjen mbretërore, veçanërisht William. Këto 90 minuta intervistë kanë sjellë në mendjen e të gjithëve pronocimin televiziv të Princeshë Dianës në 1995-ën, kur ajo tregoi gjithë të fshehtat e martesës së saj.
Princi shqetësohet për të vëllanë, pasi në një intervistë të realizuar në 2019-ën Harry tregoi për tensionet mes tyre. Asgjë nuk i garanton princit që kjo gjë nuk do përsëritet sërish.
Intervista do të jetë shpërthyese dhe për këtë garantojnë të gjithë. Ne na mbetet vetëm të presim./revistawho.com
