Mediat e huaja raportojnë se Harry do të niset për në Mbretërinë e Bashkuar pas lajmit të vdekjes së Princit Philip. Harry do t’i qëndrojë pranë familjes në këtë moment të vështirë, pavarësisht mosmarrëveshjeve mes tyre që bënë çiftin të largohej nga Mbretëria. Duke qenë se është shtatzënë, Meghan nuk dihet nëse do ta shoqërojë Harry-n në këtë udhëtim.
“Harry do bëjë të pamundurën për t’u rikthyer në Mbretërinë e Bashkuar dhe t’i qëndrojë pranë familjes. Ai nuk dëshiron asgjë përveçse të jetë pranë familje, sidomos gjyshes së tij, në këtë moment pikëllimi. Meghan është shtatzënë dhe duhet të marrë këshillat e mjekëve nëse është e sigurt për të që të udhëtojë”-tha burimi.
Princ Philip u nda nga jeta ditën e sotme në moshën 99-vjeçare pas disa problemeve me shëndetin, nga të cilat po vuante prej kohësh.
