Ata janë në balotazh për postin e Presidentit të Francës dhe mediat botërore po shkruajnë për jetën e Emmanuel Macron dhe Marine Le Pen. E ajo që po diskutohet më së shumti është bashkëshortja e 39-vjeçarit Macron, Brigitte Trogneux. Ajo është një ish-mësuese gjimnazi, plot 25 vjet më e madhe se ai. Emmanuel ishte 15 vjeç kur u njoh me Brigitte dhe ishte nxënësi i saj i laboratorit teatral. Në një nga intervistat e saj të para, gruaja tregoi për Paris Match se u dashurua me nxënësin e saj brilant dhe se për të braktisi bashkëshortin dhe 3 fëmijët. Historia e tyre e dashurisë që prej fillimit nuk u pa me sy të mirë për shkak të diferencës së madhe në moshë. Për t’i ndarë u sajuan intriga por që dështuan. Emmanuel Macron e Brigitte Trogneux u bënë burrë e grua në vitin 2007 dhe që prej atij çasti i riu i politikës franceze nuk ndahet kurrë prej saj. Ka qenë pikërisht Brigitte që ka këmbëngulur që i shoqi të merrte pjesë në zgjedhje dhe me të nisur fushata ajo po kujdeset për gjithçka në paskuinta, por duke heshtur në publik. Ajo përshkruhet si sytë dhe veshët e Emmanuel duke rilexuar fjalimet e të shoqit, kontrolluar artikujt rreth tij e duke pritur gazetarët. Madje Brigitte e këshillon të shoqin të flasë me zë të ulët sepse mund të tingëllojë i bezdisshëm. Dhe ai dëgjon çdo sugjerim./ revistawho.com
