Marrëdhënia e tyre ka nisur para më shumë se 17-të vjetësh dhe Julka shprehet se ka ende flutura në stomak për bashkëshortin e saj Andin. E ftuar sot në emisionin e pasdites ‘Rudina’ moderatorja tregoi momentin e porpozimit për martesë dhe emocionet e përjetuara.
“Ishte festa e ditëlindjes sime dhe Andi ndodhej jashtë në koncerte. Më thoshte që nuk kishte mundësi të vinte për shkak të biletave. Nuk u mërzita, përkundrazi i thashë që mund ta festonim ditëlindjen time kur të vinte ai. Por në fakt, Andi kishte organizuar gjithçka. Ishte një festë me njerëzit tanë të afërt, kur krejt papritur shfaqet ai. Fjalët që më tha, retrospektiva e lidhjes sonë, më emocionua aq shumë sa harrova t’i thoja ‘Po!’. Por ia doli të më surprizonte.” – përfundoi Julka.
Çifti prej vitesh janë prindër të dy djemve dhe shpesh ndajnë me ndjekësit e tyre në rrjetet sociale momentet që kalojnë me ta. /revistawho.com
