Përveç se një biznesmene, Rezarta Shkurta është dhe një mama e dedikuar. Në një foto që ka publikuar në ‘Instastory’, këngëtarja ka zbuluar një nga problemet që has më së shumti me vajzën e saj, Herën, pasi kjo e fundit nuk pranon të hajë ushqimet që përgatit mamaja e saj. Menjëherë pasi ndau këtë me ndjekësit e saj, Rezarta ka publikuar një video ku zbulon se ka marrë shumë mesazhe nga mama të tjera, të cilat kanë të njëjtin problem si ajo. “Faleminderit të gjitha mamave që ndatë të njëjtën vuajtje. Kujtoj që edhe ëndrra e nënës time ishte të më shihte të shëndoshë… Ju realizua kur mbeta shtatzënë. Më mirë vonë se kurrë”, ka shkruar Rezarta, duke zbular kështu se edhe mamaja e saj ka kaluar të njëjtën ‘vuajtje’. Kujtojmë se prej vitesh, Rezarta është larguar nga muzika, për t’u kujdesur për familjen dhe biznesin e saj./revistawho.com
