Të gjithë përlotemi kur shikojmë fotografi dasmash, por historia dy vajzave binjake nga Teksasi dhe babait të tyre të mallëngjen vërtetë. Becca dhe Sarah 23 vjeçe me status beqare, vendosën të veshin fustane nusërie dhe te realizonin një set fotografik me babain e tyre për arsye të sëmundjes së tij. Scott vuan nga Alzhaimeri. “Vendimi na erdhi papritur, duke parë babain tonë dhe sëmundjen e tij. Ne e dimë që sa më shumë kohë kalon, ai nuk do të jetë më si më parë e ndoshta edhe nuk do të jetojë më. Donim të ishim realiste, të mos humbisnim mundësinë e një set-i fotografik të veshura nuse me babain tonë” është shprehur Becca në një interviste për ABC news.
Fotografitë janë realizuar në një rrugë pranë shtëpisë së tyre që Scott-i të ndjehej i familjarizuar. “E gjitha kjo eksperiencë kishte një lumturi të pamatë brenda. Duke e parë atë që na shoqëronte i lumtur në çdo shkrepje, do të thotë shumë për ne”, – është shprehur Becca. “Vetëm ta kishit parë se si buzëqeshte”.
Dhe rezultati janë kujtimet që binjaket do t’i kenë gjithmonë me vete edhe pse kujtesa e babait të tyre do të zbehet me kalimin e kohës. “Tashmë ne do t’i ruajmë këto momente për gjithë jetën tonë”, – ka thënë Sarah për ABC news.
