Ajo është ndër të parat artiste që po përpiqet të përcjellë mesazhe reale dhe pozitive tek të gjitha vajzat dhe gratë që janë të pakënaqura nga trupi i tyre dhe kërkojnë vazhdimisht perfeksionin duke u ndikuar nga imazhet jo reale që qarkullojnë në rrjetet sociale.
Kohë më parë Demi Lovato njoftoi gjithë ndjekësit e saj se kishte vendosur të hiqte dorë nga dietat dhe do e donte trupin ashtu siç ishte. Kanë kaluar muaj që nga momenti kur Lovato mori këtë vendim dhe sot vjen me foto që tregojnë trupin e saj me disa kilogramë më tepër, me celulit dhe strija.
Por ajo që është më e rëndësishme, këngëtarja vazhdon ta dojë veten edhe pse me më shumë dhjam.
“Shenja të strijave, dhjam, celulit dhe ende e dua veten time. Unë kam celulit si 93% e gjithë femrave të tjera. Çfarë shihni në “Instagram” nuk është ajo që duket. Le ta duam veten tonë siç jemi në të vërtetë. Unë e dua veten time.”- ka shkruar këngetarja krahas fotove të saj të publikuara në “Instagram”. /revistawho.com
