Hueyda El Saied është një nga ato vajza që ka provuar të bëjë gjithçka në botën e televizionit dhe nuk ka dështuar asnjëherë. Ajo di të këndojë, është balerinë e mirë, moderatore, spikere lajmesh dhe piktore. Prej vitesh është larguar nga Shqipëria për të jetuar në Francë bashkë me djalin e saj, Gabriel.
Nëse do të shikonit disa nga filmimet e vjetra të Hueydës nga koha kur ishte pjesë e emisioneve televizive si balerinë ose si drejtuese programesh do të vinit re se asgjë nuk ka ndryshuar. Ajo është po e njëjta kaçurrelse, pa asnjë rrudhë edhe pse vitet kanë kaluar.
Kujtojmë se disa nga programet që ka prezantuar janë: ‘Një këngë për ty’, ‘7 nga shënimet e mia dhe Kioska’ dhe ‘Në restorant’. Hueyda ka marrë pjesë edhe në festivalet e muzikës shqiptare, ndër ta ‘Top Fest’ dhe ‘Kënga Magjike’./revistawho.com
