Hueyda El Saied është shpallur fituese e programit “Në 1 Javë”, me një performancë fantastike cirku. Mirëpo showgirl-i i njohur shqiptar, ka në plan ta interpretojë përsëri performancën por këtë herë në Cirkun e Tiranës.
“Miqtë e mi, në mbrëmjen finale të spektaklit “Në 1 Javë” premtova që para se të largohesha nga Shqipëria do ta interpretoja performancën time në Cirkun e Tiranës. Kështu që të dielën në orën 11:00 do të jem pjesë e spektaklit të cirkut. Ju ftoj të vini vetëm por dhe me fëmijët tuaj se do të argëtoheni me spektaklin e bukur që ofrojnë artistët e tij”, shkruan Hueyda në Facebook.
