I ftohti siberian dhe dita më e ftohtë e dhjetorit, kur pritet të përmirësohet moti

Temperaturat do të vijojnë të bien nga dita në ditë, duke e bërë të dielën ndoshta ditën më të ftohtë të dhjetorit. Sipas sinoptikanëve kjo është pasojë e rrymave të ftohta siberiane. “Deri në fundjavë pritet të jemi në ndikimin e motit të kthjellët por shumë të ftohtë. Pritet të kemi sërish në fundjavë edhe një tjetër rënie duke bërë që termometri të zbresë në zonat malore deri në -10 apo -11 gradë”, tha Lajda Porja. Kryesisht këto janë vlera , më të ulëta krahasuar me mesataren shumëvjeçare të muajit në të cilin ndodhemi. Megjithatë parashikohet që i ftohti siberian të largohet nga java e ardhshme, duke e bërë motin pak më të ngrohtë./tvklan