I kërkoi falje publikisht bashkëshortes, zbulohet arsyeja pse Justin Timberlake e bëri këtë gjë

Në fund të muajit të kaluar Justin Timberlake u fotografua duke shtrënguar duart me kolegen e tij të filmit “Palmer”, Alisha Wainwright. Madje Justin nuk kishte as unazën e martesës në dorë dhe kjo gjë i habiti akoma dhe më shumë fansat e tij. Pavarësisht se disa burime për “E! News” thanë se mes tyre nuk kishte asgjë më shumë se miqësi, disa nisën dyshimet se Justin kishte nisur një lidhje të re me kolegen. Por pas përhapjes së thashethemeve, Justin vendosi të thyente heshtjen dhe i kërkoi falje bashkëshortes së tij. Timberlake tregoi se atë mbrëmje kishte pirë shumë alkool dhe se mes tij e Alishas nuk kishte ndodhur asgjë, por ai i kërkoi falje bashkëshortes, Jessica Biel e familjes që i vendosi në një situatë të vështirë. Siç duket Justin e ka bërë me qëllim këtë deklaratë, pasi synon që partnerja e tij të harrojë gjithçka të vazhdojnë të ecin përpara. “Ai e di që ajo nuk meriton asgjë të tillë dhe që ai u fut në telashe. Shpreson se duke adresuar se çfarë ndodhi dhe duke i kërkuar falje publikisht ata mund ta lënë gjithçka pas krahëve dhe të vazhdojnë përpara. Justin i duket se kjo histori nuk po vdes dhe shpreson se ky do të jetë fundi i saj. Ai përpiqet gjithmonë që ta mbajë të fshehtë jetën e tij private, por ai e di se bëri një gabim të madh në publik dhe tani duhet të përballet me të”, ka thënë Justin. Timberlake dhe Biel kanë 7 vite të martuar dhe siç duket kjo ngjarje ka ndikuar shumë në çështjet e besimit.