Prej disa muajsh në media po flitet për lidhjen e modeles shqiptare Ilda Kroni me aktorin kryesor të një prej serialeve më të dashura për gjithë shqiptarët, “Sarasvatichandra”. Çifti nëpërmjet një lidhje me ‘Skype’ ,në emisionin e pasdites së Rudina Magjistarit, kanë treguar sekretet e historisë së tyre të dashurisë. Ilda tregoi se lidhja e saj me Ashishin është serioze dhe se mund të fejohen në të ardhmen. Ndërkohë aktori i pyetur nga moderatorja se cila ishte gjëja e parë që e tërhoqi tek Ilda tha: “Gjëja e parë që më pëlqeu tek ajo ishte buzëqeshja, pafajësia që shfaqte kur buzëqeshte. Mund të them fare mirë se ajo është një shpirt i bukur.”
Gjithashtu çifti zbuloi surprizën të cilën me siguri shumë nga fansat e aktorit ishin duke pritur, ata treguan se në verë Ashish do të vijë të bëjë një tur në Shqipëri.
“Po pres një ftesë, nëse më ftoni unë do të vij në Shqipëri. Jam duke pritur për një motiv të fuqishëm që të vij.”/revistawho.com
