Po flitet vazhdimisht për marrëdhënien e tyre dhe si do të vijojnë gjërat tani që është dhe djali i tyre në mes. Majlinda dhe Majk i dhanë fund lidhjes së tyre kur ajo ishte në muajt e parë të shtatzanisë. Tashmë ata janë bekuar me një djalë të quajtur Roan, i cili tashmë është rreth 3 muajsh. U mendua që do kishim një ri-bashkim të çiftit tashmë që gëzojnë të dy statusin prindër. U panë dhe në vende të ndryshme së bashku, saqë kur u publikuan fotot e tyre në një mobileri, u përfol për një bashkëjetesë të mundshme të çiftit. Madje filluan të ndiqnin njëri-tjetrin sërish në rrjetet sociale, saqë mungonte vetëm konfirmimi i tyre që ishin përsëri në një lidhje. Epo jo çdo gjë shkon vaj! Me një “search” në profilet e tyre zyrtare zbuluam që ata nuk e ndjekin më njëri-tjetrin. Se çfarë ka ndodhur konkretisht me ta, akoma nuk dihet por shpresat që ata të riktheheshin duket se u venitën. Ndërkohë që mami Majlinda po shijon pushimet me të voglin e saj, Majk është i angazhuar me koncerte të shumta gjatë sezonit veror ku ka sjellë dhe për publikun, hitin e tij më të fundit “Stila”./revistawho.com
