Dy shqiptaret më të lakuara të momentit janë pa dyshim Dua Lipa dhe Rita Ora, të cilat duket se nuk i kanë aspak mirë marrëdhëniet me njëra- tjetrën.
Dua e ka ironizuar dhe kritikuar veshjen me të cilën Rita performoi në koncertin e mbajtur me rastin e 10- vjetorit të Pavarësisë së Kosovës.
Por sot, të dyja pjesëmarrëse në “Brit Awards”, kanë kaluar në tapetin e kuq pothuajse me të njëjtin model fustani. Të dyja veshjet karakterizohen nga frudhat voluminoze dhe kanë pak a shumë të njëjtin stil.
Duhet thënë se bukuroshet kanë shkëlqyer të dyja në parakalimin përpara fotografëve.
