E mbani mend John Cena-n? Me siguri që po. U martua për herë të dytë, me të njëjtën grua. Ata u martuan fillimisht në vitin 2020, por për shkak të pandemisë nuk kishin bërë dasmë.
Tani, ata kanë qenë në gjendje t’i thonë “Po” përjetësisht njëri-tjetrit. Çifti u martuan në The Vancouver Club në Kanada me familjen dhe miqtë të pranishëm. Kanadaja është vendi ku John Cena dhe Shay u takuan, ndaj është shumë me rëndësi për ta.
Ata u panë për herë të parë bashkë teksa po darkonin në Vancouver në mars 2019, ku John ishte duke filmuar “Playing With Fire”. Për të, filmi është i veçantë sepse aty takoi njeriun e zemrës.
“Ajo që është me të vërtetë e veçantë për këtë është se pavarësisht nga projektet që do të përfshihem në të ardhmen, ky do të ketë gjithmonë një kuptim të veçantë sepse kam arritur të filmoj një projekt të veçantë dhe të takoj dikë të veçantë”, ka thënë ai.
