Po përpiqeni të dukeni sa më bukur në Instagram? Lodheni 2 orë të mira për të gjetur veshjen e përshtatshme për foton e rradhës? Epo mos u lodhni fare! Trendi që po bën namin në Instagram aktualisht janë tutat dhe ato i kemi të gjithë. Personazhet e njohur të ekranit na kanë dhënë disa ide si t’i kombinojmë tutat në përditshmëri dhe le të marrim këtu shembull Jonida Maliqin, Valdrin Sahitin apo Jonida Vokshin, të cilët i kanë kombinuar me pallto. Apo Lori Hoxha, e cila ka veshur tuta me peliçe dhe Chiara Ferragni e cila i ka kombinuar me një xhaketë të zezë. Tayna e Kim Kardashian nga ana tjetër kanë zgjedhur të duken seksi duke u shfaqur më të ekspozuara, edhe pse veshur me tuta. Dhe jo vetëm kaq. Tutat tashmë mund t’i përdorni në çdo kohë të ditës, madje tani do i shohim edhe në videoklipe, si ai i Loredanës. Kurse Ori Nebiaj ka thyer çdo rregull qw ka ekzistuar deri më tani për veshjen e studiove televizive dhe sot në mëngjes ka prezantuar emisionin me tuta pambuku. Doni më për tutat?
