Bukuroshja e ekranit Ilda Bejleri, përflitet shpesh në media për format e saj fizike apo për ndonjë lidhje të mundshme.
Kohët e fundit në rrjetet sociale kanë qarkulluar komente lidhur me një raport dashurie midis prezantueses dhe deputetit Klevis Balliu, me të cilin është fotografuar duke dalë nga një lokal.
Sot gazetarja ka qenë e ftuar në emisionin e Rudina Magjistarit e cila ka këmbëngulur që Ilda të tregonte diçka më shumë rreth këtij raporti, por nga ana e prezantueses nuk ka ardhur asnjë pohim apo mohim lidhur me këtë çështje.
“Klevisin e njoh, e kam mik, është një person me shumë vlera, një shok shumë i mirë. Nuk është momenti për të folur për ne të dy sepse jam vënë gjithmonë në qendër të vëmendjes për të tilla gjëra”- tha Ilda.
