Ilda është padyshim ndër gazetaret më seksi në Shqipëri. Jo pa emocion e ka kaluar këtë Evropian, edhe ajo, e cila e quan një histori më vete pjesëmarrjen e Shqipërisë. Ajo do të jetë një ndër fatlumet që do ta shohë nga afër finalen mes Portugalisë dhe Francës. Megjithatë ajo tregon se në këtë ndeshje do të vijë sportive, dhe jo sensuale për të rënë në sy të mediave. Prej 10 vitesh në gazetarinë sportive ajo tregon se ka formuar tashmë karakterin e saj, duke mos ndjerë rivale. Dhe si një ndër bukuroshet e vendit tonë, ajo paralajmëron një verë të nxehtë.
Si ka qenë ky Kampionat Evropian për Ildën?
Ky Evropian ka qenë fantastik jo vetëm për mua por për të gjithë shqiptarët, pasi Shqipëria realizoi një ëndërr në Francë, duke qenë mes skuadrave më të mira në Kampionatin Evropian. Jam e bindur që vitet do të kalojnë dhe sigurisht që kompeticione të këtij lloji do të ketë shumë, por ky kampionat do të mbetet përgjithmonë në kujtesën e çdo shqiptari. Duhet të ndihemi krenarë që kemi përjetuar një krenari kombëtare që e kanë ëndërruar breza të tërë prej vitesh.
Si e ke parë Shqipërinë?
Shqipërinë e kam parë me shumë emocion, çdo ndeshje ka qenë një ndjenjë shumë e bukur, po më lejo të të them që momenti kur këndohej himni i Shqipërisë në këtë Kampionat Evropian dukej si një ëndërr. Finalen kam fatin ta shoh nga afër, dhe sigurisht që çdo finale ka historinë e vet.
Përgjatë gjithë Evropianit ju kemi parë me emisionin tuaj; si ka qenë kjo periudhë?
Kjo periudhë ka qenë shumë e ngjeshur, e bukur dhe, të them të drejtën, tashmë që po afron finalja, po ndjej pak trishtim që kësaj aventure të paharrueshme po i vjen fundi.
Nga ana tjetër, të shumta kanë qenë edhe emisionet e tjera sportive; sa profesionalë kanë qenë ata për Ildën?
Të them të drejtën, vëmendja nga të gjitha mediat nuk ka munga përgjatë këtij Evropiani, por sigurisht që “Supersporti” ka bërë një mbulim tepër profesional të evenimentit. “Digitalb”, vërtet që Parisin jua ka sjellë këtu.
Po femrat e emisioneve sportive, a ju kanë konkurruar?
Duke punuar prej 10 vitesh tashmë në televizion, mendoj që kam arritur të krijoj profilin dhe identitetin tim, kështu që, edhe nëse ka konkurrencë, nuk e ndjej.
A kishte bërë Ilda një premtim nëse Shqipëria do ta kalonte grupin?
Jo, nuk kisha bërë asnjë premtim. Këtë Evropian thjesht e kam shijuar në maksimum.
Do të jeni një nga tifozet më seksi në finale; a mendoni se do ta merrni këtë vlerësim nga UEFA?
Nuk e di, unë jam te vendi i gazetarëve.
Çfarë keni zgjedhur për të veshur, do të shfaqeni seksi në stadium?
Nuk e di, xhinse besoj.
Ku do t’i kalojë pushimet Ilda, a do t’ju shikojmë të nxehtë këtë verë?
Do të lëviz në vende të ndryshe për pushime. Natyrisht që do të më shikoni të nxehtë. / Bluetooth
