Një ndër moderatoret më simpatike të ekranit, Ilda Bejleri e njohur nga emisionet sportive, por jo vetëm. Mbrëmjen e kaluar ka qenë e ftuar në ‘Top Show Magazine’, për të folur për ‘Rikthimi i dallëndysheve’, reality show më i ri në Digitalb që do të kurorëzoje suksesin me një mbrëmje gala në pallatin e kongreseve.
Sigurisht që Ilda nuk mundi t’i shpëtonte pyetjeve mbi jetën personale edhe në këtë dalje të radhës për publikun. Gazetari Ervin Kurti e ’ngacmoi’ shpesh herë në lidhje me Klevis Balliun, si për të arritur të zbulonte diçka, por asgjë nuk doli në dritë. E pyetur rreth komentit që ka dhënë pak kohë më parë vetë Klevisi, i cili i pyetur për moderatoren e preferuar ka përmendur edhe Ilda Bejlerin, kjo e fundit ka thënë: “nuk ka asgjë të keqe atij i pëlqen futbolli mesa duket”. Edhe njëherë tjetër Ilda ka ditur si të fshehë këtë detaj të jetës private, duke lënë të kuptohej se nuk do të tregojë asgjë, por as nuk e ka mohuar lidhjen me deputetin./revistawho.com
