Ilir Shaqiri dhe bashkëshortja e tij Emanuela Morini po kurorëzohen sërish në martesë mbrëmjen e sotme. Këtë herë dasma po ndodh me të vërtetë pasi javët e fundit në media është aluduar shpeshherë për një dasmë, por Iliri i kishte hedhur poshtë lajmet. Sot fituesi i “Big Brother VIP” ka zbuluar se është rikthyer në Shqipëri ndërsa të ftuarit kanë nisur të postojnë fotot nga dasma. Një prej tyre është edhe aktori Irgen Çela, i cili ka pozuar me çiftin. Vajza e Ilirit, Emanuela gjithashtu ka postuar foto me prindërit nga dasma që po mbahet pranë detit.
Iliri ka treguar më parë se nuk kishte zhvilluar dasmë me Emanuelën, por vetëm një ceremoni martesore në bashki në Itali dhe një darkë private me 14 persona. Ai ka zgjedhur ta çojë deri në fund adetin për të pasur një kujtim të bukur me aktoren italiane.
