“Fenomeni Big Brother” u trajtua si temë më vete në programin “Open” me Eni Vasilin. Ilir Shaqiri ishte i ftuar si fitues dhe u pyet ndër të tjera për marrëdhënien me konkurrentët e tjerë.
Iliri e komentoi edhe raportin me Donaldin, me të cilin i shkoi garës deri në fund, pasi aktori ishte pretendent kryesor për fitore, rrjedhimisht edhe një nga kundërshtarët më të fortë të balerinit.
Edhe njëherë tjetër Iliri theksoi se secili kishte strategjinë e vetë, por ai kishte kontraste të forta me Donaldin dhe për këtë fajëson diferencën në moshë.
“Kemi edhe moshë të ndryshme, ai mund të ishte djali im dhe kjo ka bërë që ne të kemi pikëpamje të ndryshme për shumë gjëra”, – u shpreh Iliri ndër të tjera. Më pas balerini theksoi se ai kishte një karrierë të gjatë mbi shpatulla, ndërsa Donaldi e ka gjithë jetën përpara.
Iliri pranoi gjithashtu se fitorja e ka emocionuar shumë.
