Melody, vajza e Ilva Tares dhe Eduard Selamit ka festuar 6-vjetorin e lindjes. Për vogëlushen mami e babi kishin organizuar një festë në pishinë, ku të ftuar ishin miqtë e tyre më të ngushtë. Vetë Ilva u tregua e kursyer duke mos publikuar momente nga festa, por falë Rudina Hajdarit hymë edhe ne pak te gëzimi i Melody-s.
Rudina publikoi dy foto në rrjete sociale, ku në njërën prej të cilave shfaqet me të bijën buzë pishinës ndërsa në tjetrën me një qenush.
Të ftuarit kanë patur mundësinë të realizojnë nga një kartolinë ku shkruhej “Jeta në ngjyra” dhe nga kjo fotografi pamë pak edhe ambientin me tollumbaca e zbukurime, posaçërisht për t’i sjellë gëzim Melody-s.
