Agnesa Vuthaj ka qenë pjesëmarrëse në disa kompeticione bukurie si në Kosovë dhe Shqipëri dhe ja ka dalë mbanë të shpallet triumfuese. Emri i saj u bë akoma dhe më shumë i njohur në vitin 2004, duke qenë se fitoi “Miss Albania”. Megjithatë gjatë asaj kohe duket se ka ndodhur një incident aspak i këndshëm për të bukuroshen shqiptare. Ajo ka treguar pë ‘Prive’ se pasi u shpall si më e bukura e të bukurave nuk mundi të merrte kurorën që meritonte.
“Në vitin 2004 mora pjesë në ‘Miss Albania’ ku u kurorëzova. Prisja një kurorë të madhe, por ishte shumë e vogël dhe u çudita. Me pas kuptova se kurora që do më jepnin mua ishte zhdukur në prapaskenë. Miss Denisa Kola u detyrua që të hiqte kurorën e saj që e kishte vendosur si zbukurim tek flokët dhe të ma jepte mua që të mos ngelesha pa kurorë”, – ka treguar Agnesa. Megjithatë tashmë kanë kaluar rreth 20 vite që nga ajo kohë dhe Agnesa e kujton duke qeshur, sepse sido të ketë ndodhur është një moment që ka lënë gjurmë ne jetën e saj. /revistawho.com
