Trim Jetullahu, këngëtari simpatik nga Kosova rrëfen sot në një intervistë për “revistawho.com” projektet e tij të reja. Djaloshi i preferuar i shumë vajzave thotë se për momentin është ‘singëll’, ose të paktën kështu i pëlqen të shfaqet, sepse përgjigja që jep ngre shumë dyshime…
Trim na thuaj diçka më shumë për veten tënde? Ku ke lindur dhe je rritur, kush është familja jote..
Trimi ka lindur dhe jetuar prej disa kohësh në Gjermani, më vonë jam shpërngulur në Kosovë. Tashmë u bënë 12 vjet që jetoj në Prishtinë.
Para një muaji publikove këngën tënde më të fundit “S’kom faj”. Si u prit nga publiku? A po e arrin kjo këngë suksesin që ti dëshiroje? Çfarë komentesh ke marrë?
Jam shumë i kënaqur si është pritur dhe vlerësuar nga njerëzit, pasi dhe domethënia e këngës ka të bëjë me realitetin shqiptar. Deri tani kjo është një nga këngët e mia më të mira.
Po aktualisht ke nisur të merresh me ndonjë material të ri apo është ende shpejt?
Po, kam përfunduar shumë projekte. Besoj se në fund të shkurtit do dalë kënga e re.
Është në planet e tua ndonjë bashkëpunim? Me cilin artist shqiptar do të doje të bashkëpunoje? Ndonjë këngëtare seksi ndoshta?
Po, kam përfunduar edhe bashkëpunime po se di se cili do lançohet i pari, kënga solo apo dueti. Nuk dua ta bëj me dije se cili është ky këngëtar/e, por një gjë ua siguroj se kjo këngë do t’ju pëlqejë shumë.
Me koncertet si i ke marrëdhëniet? A do të performosh ndonjëherë në clubet e Tiranës?
Me koncertet jam mirë këto kohë, por në verë do startojmë siç duhet. Patjetër që do këndoj dhe në Tiranë.
Trimi i mirë me ‘shokë’ apo me ‘shoqe’ shumë?
Pa asnjërën nuk bëj dot, kështu që Trimi i mirë me shoqëri shumë (qesh).
Je cilësuar si një ndër meshkujt më seksi të showbiz-it, sa ka ndikuar pamja jote fizike në fushën e artit?
Po, ka pasur ndikim s’e mohoj, por nëse s’është muzika e mirë pamja s’vlen fare. Unë besoj se i kam të dyja.
Përveç muzikës çfarë profesioni tjetër do kishe zgjedhur?
S’e di, do isha marrë me biznes.
A fitohen shumë para nga ky profesion? Po bëhesh i pasur duke kënduar? Na e thua dot sa kërkon ti për një koncert?
S’ka çmim momentalisht. Përfitime ka, nëse arrij aty ku duhet ato normalisht që do të rriten.
Sa i takon dashurisë e jetës private kemi vënë re se je shumë diskret. Majde nuk të kemi parë asnjëherë përkrah një femre. A ia ka rrëmbyer ndonjëra zemrën Trimit?
Jam ‘single’ dhe më pëlqen privatësia, por nëse dikush është aq i zgjuar sa të gjejë diçka le të vazhdojë. Për mua nuk përbën problem (qesh). / revistawho.com
