Linish Mato dhe Nehalakshmi Ijer janë dy aktorët indian që kanë fituar zemrat e publikut me rolet e tyre “Rudra dhe Somia” në serialin “Bixhoz me dashurinë”. Në fillim ishte menduar që ata do të përjetonin një histori dashurie, por ngjarjet nuk shkuan në këtë mënyrë dhe në sezonin e ri që nis në shtator jeta e dy personazheve do marrë rrjedhë komplet tjetër. Megjithatë dy aktorët shumë të preferuar nga publiku kanë realizuar një intervistë së bashku ku kanë folur për njëri-tjetrin dhe gjërat e tyre të preferuara. Lexoni më poshtë intervistën./revistawho.com
Neha ishte e vështirë për ty që të miqësoheshe me Linish?
Neha: Linish nuk është tip që miqësohet shpejt, por kemi kaluar shumë kohë bashkë gjatë xhirimeve dhe kemi folur me njëri-tjetrin. Nuk ishte shumë e vështirë për mua.
Keni të përbashkëta?
Linish: Ne kemi karakter të njëjtë prandaj shkojmë shumë mirë bashkë.
Si ishte të aktronit si të dehur në skenën kur u martuat?
Neha: Ishte shumë qejf, edhe fansat e pëlqyen shumë. Mendoj se ajo skenë na ndihmoi të përmirësoheshim.
Linish: Vërtet ishte shumë qejf, kaluam shumë mirë. Në fakt dua ta provoj diçka të tillë edhe në jetën reale (qesh).
Cila ka qenë skena më e vështirë që keni xhiruar deri tani?
Linish: Ka qenë një skenë ku unë duhet të bërtisja. Ajo ka qenë skena më e vështirë për mua.
Neha: Nuk kam pasur asnjë skenë të vështirë pasi roli i Somias është siç jam unë në jetën reale. Jam vetvetja në serial.
Kimia juaj në serial është impresionuese, cili është sekreti?
Neha: Ne kemi një moshë, na ndihmon fakti që jemi miq, bëjmë shpesh rreng njëri-tjetrit dhe siç jemi në jetën reale ashtu jemi edhe në serial.
Linish: Ne jemi miq shumë të mirë prandaj mendoj se kjo na ka ndihmuar.
Kush është më i miri nga ju të dy?
Neha: Ai sepse unë e harroj shpesh skenarin, ai ka gjithashtu sens humori.
Çfarë ju besdis tek njëri-tjetri?
Neha: Është shumë i shpërqëndruar.
Linish: Ajo është e fiksuar pas makjazhit.
Kemi dëgjuar që Linish bën thashetheme në xhirime.
Linish: Oh po bëj, Neha jua siguron këtë.
Neha: Linish bën të gjitha thashethemet. Duket si i pafajshëm por mos u gënjeni.
Cilin ushqim preferoni të konsumoni në prapaskenë?
Neha: Kafe dhe fasule
Linish: Ushqim fast food
Me cilin qëndroni deri vonë në xhirime?
Neha: Me Lineshin dhe Surbin (Anikën).
Linish: Me Nehan dhe Kunalin (Omin)./revistawho.com
