Këto të fundit kanë qenë ditë të vështira për artisten e madhe shqiptare, Irma Libohova pasi bashkëshorti i saj u nda nga jeta javën e kaluar. Në një koncert në Durrës, Libohova ka folur për herë të parë për humbjen e bashkëshortit duke u shprehur se ka vendosur të qëndrojë larg vëmendjes së mediave dhe hidhërimin ta mbajë për vete. “Të dashur miq besoj që ju e keni marrë vesh që para 5 ditësh kam humbur bashkëshortin. Kjo është dalja e parë publike pas humbjes së tij, mirëpo jeta kështu është, jeta do vazhdojë… Duke dashur që unë të qëndroj larg vëmendjes së mediave duke menduar që hidhërimin tim ta mbaj për vete, sepse kështu mendonte edhe bashkëshorti im i cili thoshte gjithmonë gëzimin ndaje me të tjerë, hidhërimin mbaje për vete”, – tha artistja e madhe duke lotuar, teksa në fund këndoi edhe këngën “Një jetë me ty” dedikuar bashkëshortit. Besnik Kaso njihej si aktor dhe ka interpretuar disa role në kinematografinë shqiptare. / revistawho.com
https://www.facebook.com/irma.libohova.77/videos/239056996503400/
